Pinilit ko sa sarili ko na hinding hindi na.
Hinding hindi na.
Sapat na ang mahigit dalawampung taong pinangilagan kita at ituring ang sarili kong bilanggo sa rehas ng pag-iisip sa'yo.
Hinding hindi na.
At kanina-kaninang bago pa man ako humimlay ay muli kong ipininid ang mga pinto at bintana upang masiguradong hindi mo na ako gagambalain magpakailanpaman.
Ngunit sadya kang mapusok at mapagbiro.
Muli kong nabanaag ang katawang iyon na hindi ko maipagkakailang iyo.
Iyong-iyo.
Sa pagmulat ng aking mga mata'y nabanaag kong unti-unti kang lumalapit sa akin.
Palapit ng palapit.
At dahan-dahan kong iginalaw ang aking kamay upang kapain sa karimlan ang sandatang iyon na sadya kong inihanda para sayo... habang wala kang kamalay-malay na unti-unting lumalapit sa mura kong katawan.
Palapit. Palapit ng palapit.
Ngayon na!
PLAK!!!!!
At sumambulat ang katawan mo sa palo ng tsinelas ko.
Bwisit kang ipis ka.
Hinding hindi na.
Sapat na ang mahigit dalawampung taong pinangilagan kita at ituring ang sarili kong bilanggo sa rehas ng pag-iisip sa'yo.
Hinding hindi na.
At kanina-kaninang bago pa man ako humimlay ay muli kong ipininid ang mga pinto at bintana upang masiguradong hindi mo na ako gagambalain magpakailanpaman.
Ngunit sadya kang mapusok at mapagbiro.
Muli kong nabanaag ang katawang iyon na hindi ko maipagkakailang iyo.
Iyong-iyo.
Sa pagmulat ng aking mga mata'y nabanaag kong unti-unti kang lumalapit sa akin.
Palapit ng palapit.
At dahan-dahan kong iginalaw ang aking kamay upang kapain sa karimlan ang sandatang iyon na sadya kong inihanda para sayo... habang wala kang kamalay-malay na unti-unting lumalapit sa mura kong katawan.
Palapit. Palapit ng palapit.
Ngayon na!
PLAK!!!!!
At sumambulat ang katawan mo sa palo ng tsinelas ko.
Bwisit kang ipis ka.
1 comment:
this piece is haunting....
hindi ko alam na ipis 'yon hanggat sinabi
mo na ipis "nga" iyon.
sadya ang pagkakaroon ng sexual connotations
Post a Comment